फलटण तालुक्यातील विंचूर्णी गावामध्ये दि. 18 सप्टेंबर 2025 रोजी अज्ञात इसमाने श्रीमती कौशल्या लालासो आवाडे यांच्या गट नं. 56 जागेमधील बंद घराची भिंत फोडून घराचे नुकसान केले असल्याची तक्रार दत्तात्रय लालासो आवाडे यांनी फलटण ग्रामीण पोलीस स्टेशन येथे 18 सप्टेंबर रोजी तक्रार दाखल केली आहे. फलटण ग्रामीण पोलीस स्टेशनने याची गंभीर दखल घेऊन कलम 324 (4)(5) अन्वये तक्रार दाखल करून घेतली आहे. पुढील तपास फलटण ग्रामीण पोलीस स्टेशनचे सहाय्यक पोलीस फौजदार पी. ए. एक्के हे करत असुन पोलीस स्टेशन व महसूल विभागामार्फत झालेल्या गंभीर घटनेचा पंचनामा करण्यात आलेला आहे.

फलटण पोलीस विभागाने त्या अज्ञात गुन्हेगाराला तातडीने अटक करून कठोर कार्यवाही करावी अशी मागणी दत्तात्रय आवाडे यांनी केली आहे. सदर घटनेत लवकरात लवकर न्याय मिळाला नाही तर उपोषणास बसणार असल्याचा इशारा आवाडे यांनी दिलेला आहे.