फलटण : फलटण तालुक्यातील मिरढे येथील महादेव सोमा काळे यांचा डीपी बंद अवस्थेत असल्याची तक्रार शेतकऱ्यांनी प्रजा गट फलटण तालुका जनसंपर्क कार्यालय येथे प्रजा गटाचे अध्यक्ष प्रदीप झणझणे यांची समक्ष भेट घेऊन केली होती. सदर तक्रारीनंतर प्रदीप झणझणे यांनी तात्काळ फलटण वीज महावितरणच्या अधिकारी वर्गाशी संपर्क साधला.

शेतकऱ्यांची कैफियत ऐकून प्रजा गटाचे अध्यक्ष प्रदीप झणझणे यांनी वीज महावितरणला तात्काळ डिपी बसवण्याच्या सुचना केल्या. यावर तात्काळ डीपी बसवला जाईल असे वीज महावितरण कडून ठोस आश्वासन देण्यात आले. यावेळी मिरढे गावातील सतिश काळे, संतोष काळे, भाऊ काळे, सुभाष काळे, तसेच शिंदेवाडी येथील राहुल जाधव आदी शेतकरी उपस्थित होते.