फलटण तालुक्यातील हिंगणगाव येथील जगताप डिपी (१०० केव्हीए) जळाला असल्याची माहिती तेथील शेतकऱ्यांनी बुधवार दि. २५ मार्च २०२६ रोजी प्रजा गटाचे अध्यक्ष प्रदीप झणझणे यांना दिली होती. सदर डीपी वीज महावितरण कडून तात्काळ बसवण्याची मागणी शेतकऱ्यांनी प्रजा गट फलटण तालुका जनसंपर्क कार्यालयास समक्ष भेट देऊन केली होती. सदर मागणीनंतर प्रजा गटाचे अध्यक्ष प्रदीप झणझणे यांनी फलटण वीज महावितरणचे अधिकारी ग्रामोपाध्ये, मोकाशी, रेड्डी, आडम व माने यांचेशी संपर्क साधुन तात्काळ डिपी बसवण्याची सुचना केली होती.

त्याप्रमाणे प्रजा गटाच्या माध्यमातून व प्रजा गटाचे अध्यक्ष प्रदीप झणझणे यांनी केलेल्या सातत्यपूर्ण पाठपुराव्यानंतर हिंगणगाव येथील शेतकऱ्यांच्या समस्येची गांभीर्याने दखल घेत वीज महावितरणकडुन रविवारी दि. २९ मार्च २०२६ रोजी सदर डिपी तात्काळ बसवण्यात आला. त्यामुळे सर्व शेतकऱ्यांनी फलटण तालुका प्रजा गट व वीज महावितरणचे मनःपूर्वक आभार व्यक्त केले. प्रजा गटाच्या माध्यमातून होत असलेल्या निस्वार्थ कार्यामुळे फलटण तालुक्यातील शेतकऱ्यांमध्ये आनंदाचे व समाधानाचे वातावरण अनुभवायला मिळत आहे. तसेच निवडणुकी अगोदर व निवडणूकी नंतरही फलटणकर जनतेच्या सेवेसाठी प्रजा गट कायम तत्पर असल्याचे देखील मागील प्रदीर्घ कालावधीपासून पहायला मिळत आहे.