सातारा : माजी सैनिक व माजी सैनिकांच्या विधवा पत्नी तथा अवलंबितांच्या विविध अडीअडणींचा निपटारा करण्यासाठी सप्टेंबर 2025 मध्ये कल्याण संघटकाच्या तालुका निहाय दौऱ्याचे आयोजन करण्यात आले आहे. माजी सैनिक व संबंधितांच्या दृष्टीने ही दौरा भेट महत्वपूर्ण असुन सर्वांनी उपस्थित रहावे अशी माहिती जिल्हा सैनिक कल्याण कार्यालयाकडून देण्यात आलेली आहे.

संघटकाचा दौरा पुढीलप्रमाणे : सैनिकी मुलांचे वसतिगृह कराड येथे 16 सप्टेंबर, तहसील कार्यालय फलटण 19 सप्टेंबर व तहसील कार्यालय खटाव (वडूज) 23 सप्टेंबर असा कल्याण संघटकांचा दौरा राहणार आहे, अशी माहिती जिल्हा सैनिक कल्याण कार्यालयाकडून देण्यात आली.

प्रजा गटाचे आवाहन

माजी सैनिक व माजी सैनिकांच्या विधवा पत्नी तथा अवलंबितांच्या अडचणी, त्यांच्या समस्या सुटत नसतील तर त्यांनी प्रजा गट जनसंपर्क कार्यालय फलटण येथे समक्ष भेट देऊन त्यांच्या समस्या सादर कराव्यात. माजी सैनिकांच्या समस्यांना वाचा फोडण्याचं, न्याय मिळवून देण्याचं काम प्रजाजन वृत्तपत्राच्या माध्यमातून करण्यात येईल अशी माहिती प्रजा गटाचे प्रमुख प्रदीप झणझणे यांनी दिली.