फलटण नगर परिषदेच्या निवडणुकीमध्ये नगराध्यक्ष पदासह 27 नगरसेवक अशा एकुण 28 जागांपैकी प्रभाग क्रमांक 11 (अ) येथील एका जागेसाठी अपक्ष उमेदवार अमिर गनिम शेख यांना प्रचंड बहुमताने विजयी करण्यासाठी प्रजा गटाच्या वतीने आज बिनशर्त व सक्रिय पाठिंबा जाहीर करण्यात आला आहे. तसेच फलटण नगरपरिषद निवडणुकीमध्ये महत्त्वाच्या असणाऱ्या नगराध्यक्ष पदाच्या जागेसह इतर जागांवर देखील प्रजा गटाच्या वतीने फलटणकर जनतेला अपेक्षित असणाऱ्या योग्य उमेदवारांना पाठिंबा देऊन महत्त्वाची भूमिका बजावणार असल्याचा विश्वास प्रजा गटाचे अध्यक्ष प्रदीप झणझणे यांनी व्यक्त केला.

अमीर शेख यांनी आज प्रजा गट जनसंपर्क कार्यालयामध्ये जाऊन प्रजा गटाचे अध्यक्ष प्रदीप झणझणे यांची भेट घेतली व फलटण नगर परिषद निवडणुकीत आपण अपक्ष उमेदवार म्हणून निवडणूक लढवत असुन प्रजा गटाच्या वतीने आपणास जाहीर सक्रिय पाठिंबा देण्यात यावा अशी साद घातल्यानंतर अमिर शेख यांना प्रजा गटाच्या वतीने बिनशर्त व सक्रिय पाठिंबा जाहीर करण्यात आला आहे.