फलटण : फलटण नगरपरिषदेची निवडणूक ऐन रंगात आलेली असताना शिवसेनेचे माजी शहरप्रमुख रणजीत कदम यांनी नगराध्यक्ष पदाचे उमेदवार श्रीमंत अनिकेत राजे नाईक निंबाळकर यांच्या रूपाने फलटण तालुक्याला व शहराला दुसरे रामराजे मिळाले असून फलटण शहर व तालुक्याचे भवितव्य उज्वल असल्याचा ठाम विश्वास व्यक्त केला. रणजीत कदम यांनी पुढे सांगितले की अनिकेत राजे नाईक निंबाळकर हे उच्चशिक्षित असून संयमी, शांत व वेळप्रसंगी आक्रमक होणारे असे परिपक्व नेतृत्व फलटणकर जनतेला मिळाले आहे. तसेच उद्या फलटण शहरांमध्ये शिवसेनेचे मुख्य नेते व महाराष्ट्र राज्याचे उपमुख्यमंत्री एकनाथजी शिंदे यांच्या उपस्थितीत श्रीमंत अनिकेत राजे यांचा जाहीर प्रवेश होत असल्याने शिवसैनिकांमध्ये व फलटणकर जनतेमध्ये आनंदाचे वातावरण झाले आहे. अनिकेतराजे व सर्व नगरसेवक पदाचे उमेदवार प्रचंड मोठ्या मताधिक्याने या निवडणुकीत विजयी होणार असल्याचे त्यांनी खात्रीपूर्वक सांगितले.