कार्यक्षम युवा नेतृत्व व झणझणे सासवड ग्रामपंचायतीचे माजी सदस्य अमोल रासकर यांच्या कार्य, कर्तृत्वाची व निष्ठेची गंभीर दखल घेत नेतृत्वाकडून फलटण तालुका कृषी उत्पन्न बाजार समितीच्या विशेष निमंत्रित स्वीकृत संचालक पदी त्यांची निवड करण्यात आली आहे.

फलटण कृषी उत्पन्न बाजार समितीच्या नुकत्याच पार पडलेल्या वार्षिक सर्वसाधारण सभेमध्ये फलटण तालुका कृषी उत्पन्न बाजार समितीचे सभापती श्रीमंत रघुनाथराजे नाईक निंबाळकर यांनी अमोल रासकर यांची कृषी उत्पन्न बाजार समितीच्या विशेष निमंत्रित स्वीकृत संचालक पदी निवड करुन त्यांच्या कार्यकर्तृत्वास प्रोत्साहन देत, तालुका स्तरीय पदावर शेतकरी जनतेची सेवा करण्याची एक नवीन संधी उपलब्ध करून दिली आहे.

बाजार समितीच्या वाढत्या कार्याची व्याप्ती लक्षात घेऊन प्रत्येक क्षेत्रातील तज्ञ व्यक्तींचे ‘सल्लागार मंडळ’ तयार करण्याचा निर्णय झाल्यानंतर अमोल रासकर यांना बाजार समितीच्या कामकाजात सहभागी होऊन मार्गदर्शन करण्यासाठी विशेष निमंत्रित म्हणून त्यांची निवड करण्यात आली आहे.

या निवडीनंतर विधान परिषदेचे माजी सभापती श्रीमंत रामराजे नाईक निंबाळकर, माजी आमदार दिपक चव्हाण, बाजार समितीचे चेअरमन श्रीमंत रघुनाथराजे नाईक निंबाळकर आणि जिल्हा परिषदेचे माजी अध्यक्ष श्रीमंत संजीवराजे नाईक निंबाळकर यांच्यासह, विविध मान्यवर व जनतेकडून अमोल रासकर यांचेवर अभिनंदन व शुभेच्छांचा वर्षाव होत आहे.