फलटण : फलटण तालुक्यातील प्रजा गटाची निर्णायक मीटिंग काल १८ डिसेंबर रोजी पार पडली. या मीटिंगमध्ये फलटण नगरपरिषद निवडणुकीसाठी कोणत्या गटाला किंवा पक्षाला पाठिंबा जाहीर करायचा याबाबत चर्चा करण्यात आली. परंतु चर्चेअंती सर्वांचं या मुद्द्यावर एकमत झालं की प्रजा गटाचा पाठिंबा हा फलटण तालुक्यातील जनतेच्या हितासाठी असल्याचे प्रजा गटाचे अध्यक्ष प्रदीप झणझणे यांनी सांगितले.

प्रजा गटाच्या मीटिंगमध्ये सर्वानुमते ठरलेल्या निर्णयानुसार फलटण नगरपरिषद निवडणुकीमध्ये प्रजा गटाचा बिनशर्त जाहीर पाठिंबा राजे गट, शिवसेना, काँग्रेस व कृष्णा-भीमा आघाडीला देण्यात येत आहे. फलटण तालुक्यातील “राजकीय सत्तेचं समीकरण संतुलित राहणे” फलटणकर जनतेच्या हितासाठी आवश्यक आहे. असा निकष सर्वानुमते ठरल्यानंतर राजे गट, शिवसेना, काँग्रेस व कृष्णा-भीमा आघाडीला पाठिंबा देण्यात आला असल्याचे प्रजा गटाचे अध्यक्ष प्रदीप झणझणे यांनी स्पष्ट केले.