फलटण तालुक्यातील वाठार निंबाळकर जिल्हा परिषद गटातून आश्वासक आणि अभ्यासू चेहरा म्हणून सुरवडी गावचे सुपुत्र व माजी कॅबिनेट मंत्री महादेव जानकर यांचे खंदे समर्थक असलेले विशाल माडकर हे निवडणूक लढविण्यासाठी इच्छूक असुन आपल्या नावाला एक प्रामाणिक व कार्यक्षम कार्यकर्ता म्हणून वाठार निंबाळकर जिल्हा परिषद गटातील नागरिकांची पसंती असल्याची माहिती विशाल माडकर यांनी दिली आहे.

विशाल माडकर यांनी आपण उच्चशिक्षित असून सर्वसामान्य जनतेच्या प्रश्नाची आपणास जाण असल्याचे देखील त्यांनी सांगितले. तसेच सुरवडी गावातील अनेक प्रश्नावर आवाज उठवल्यानंतर सुरवडी ग्रामपंचायतकडुन विविध विकासकामे सुरू झाल्याने नागरिकांना मूलभूत सोयी सुविधा उपलब्ध झाल्या आहेत. यामुळे विशाल माडकर यांच्या या कामाचे सर्व स्तरातून कौतुक होत आहे.

विशाल माडकर यांनी पुढे सांगितले की सुरवडी आणि पंचक्रोशीसाठी गरजेचा असलेल्या रेल्वे पुलाशेजातील रस्ता श्री दत्त इंडिया लिमिटेड कारखान्याकडून करून घेण्यात आपण महत्वपूर्ण भुमिका निभावली आहे. यामुळे पंचक्रोशी मधील नागरिक या कामावर खुश होऊन समाधान असल्याची भावना व्यक्त करत आहेत. तसेच जनसामान्यांच्या प्रश्नांवर सातत्याने आवाज उठवत असल्यामुळे सुरवडी आणि पंचक्रोशी मधील नागरिक आणि तरुण वर्गाच्या मनात विशाल माडकर यांच्या विषयी सामाजिक कार्यकर्ता अशी ओळख निर्माण होत असल्याचे दिसत आहे.

सुरवडी औद्योगिक वसाहतीमधील कंपनीमध्ये सुरवडी गावातील तरुण वर्गाला प्राधान्याने कायम स्वरुपी रोजगार मिळावा यासाठी आपण सातत्याने कार्यरत आहोत, तसेच फलटण तालुक्यातील शेतकरी वर्गाच्या जिव्हाळ्याचा प्रश्न असलेल्या पीक पाणी योजनेवर देखील आवाज उठवण्याचे काम सातत्याने केल्याचे विशाल माडकर यांनी सांगितले.

आपल्यासारखा सर्वसामान्य जनतेच्या प्रश्नाची जाण असलेला अभ्यासू चेहरा वाठार निंबाळकर जिल्हा परिषद गटातून प्रतिनिधी म्हणून निवडून गेला तर येथील जनतेला न्याय मिळेल अशी खात्री विशाल माडकर यांनी व्यक्त केली आहे. मांडवकर यांनी जिल्हा परिषद निवडणूक लढवावी आम्ही त्यांना सहकार्य करून ताकदीने निवडून देऊ असे वाठार निंबाळकर जिल्हा परिषद गटातील विविध गावातील नागरिक उघडपणे बोलून दाखवत असल्याचे देखील विशाल माडकर यांनी सांगितले.